Johannes 17:20-26

Sada dibagasan Kristus onma topik minggu Exaudi di Huria HKBP, jala laos sian turpuk ondo diangkat GAMKI ( Gerakan Mahasiswa Kristen Indonesia ) na gabe semboyan organisasi nasida, didok " Ut Omnes Unum Sint " { Supaya mereka menjadi satu Johannes 17 ; 21 }. Sian pangantusion on dohononta ma ringkot nai hape namargoar hasadaon i, jala Tuhan Jesus pe tung tangkas do dipangidohon di tangiangNA hasadaon ni naporsea i, songon ido nanaeng porsea dope. Tontu naung tangkas do do ditanda Tuhan Jesus jolma i ndang mampu mardalan sasahalak lao mangadopi parukkilon. Ai saleleng diportibi on angka na porsea i, anggo parungkilon i sae adong doi, alani ingkon pasauton ni angka na porsea do tangiang ni Tuhan Jesus on mandok " Asa Sada Nasida "

Hasadaon di tagiang ni Tuhan Jesus on berhubungan do i tu masa depan ni angka na porsea, Adong panatapan, torop dope nanaeng marsada di bagasan kristrus. Tontu tugas ni angka na porsea doon di keterbukaanna laho manjalo hasadaon i, ai hasadaon dada hasadaon ni administrasi manang organisasi. Ndada asa jongjong sada gareja, ima  Gereja yang Esa di portibion, alai hasadaon masa depan i na naeng siluluonta rap dohot naso porsea dope, ima hasadaon ni jesus dohot ama i do, ima hasadaon di bagasan holong dohot pangoloion dohot masiolo oloan i papatarhon ni angka na porsea i marhite na mamangke angka hadirion dohot namarasing asing i tu ulaon namarsiurupan jala masijangkonan. Molo tung pe marragam alai rap lohot dibagasan Kristus, disi do hasadaon i, jadi saleleng rap dohot halak kristen i di Kristus masa depan ni hasadaon i jumpang doi songon tangiang ni Tuhan Jesus on.

Ndang hea Tuhan Jesus mangalehon garansi kosong tu angka na olo porsea, Didok Ibana " Nungga hulehon tu nasida hasangapon na nilehon MI tu AHU ". Pandohan sisongon on sada garansi doon patuduhon ringkot na i hape hasadaon i.. Molo tungpe marungkil nama Tuhan Jesus ala jonok nama hapapajalna, alai sada hasangapon doi di rajumi asa tung tangkas garansi i tu angka na porsea, ringkot ni hasadaon i. Ai marhite hasadaon ima lam tangkas ma adong panindangion ni portibi on, ai sada do Ama i dohot Anak i, jala Debata do Marsuru Anak I. Asa sude angka napinatupa ni Tuhan jesus sada Misi do i " asa porsea portibi on ". Asa , molo tung pe adong tangiang ni Tuhan Jesus mandok asa sada ninna, martujuan asa porsea do portibion tu Tuhan Jesus, jala Tuhan Jesus dibagasan na porsea i.

Sahat ma nuang hita tu Turpuk on, Huria songon pamatang ni Kristus. Aha ma na boi peluang hita ida asa boi hita na gabe parsidohot di gerakan hasada on i, jala sekaligus aha ma na jotjot si bonsiri unbahen tarhambat hasada on i. Tasadari do sada pandohan na mandok " Bersatu kita teguh bercerai kita runtuh " , Kekuatan di hita sasintong na adong do, alai sai ummalo do angka na asing memecah kekuatan ta i, ujung na terpecah hita dang marsada ( Manang istilah di sisonari ima si Bola Huta ). Di tingki na parpudi on nungga bergeser be pemahaman sian ripe ripe ( Kepentingan Umum ) tu Pangumpolan ( Diri Pribadi ) lapatanna nungga diajak hita on muaeng egois. Jangankan lintas denominasi, lintas huria, ressort, bahkan Distrik pe nungga terasa. Rasa memiliki hatopan i nungga lam moru, hata na biasa ta bege, mandok " Huria nami, pdt nami, ruas nami..dsb lam mansai jot jot hita bege. Ala ni asa boi hita gabe parsidohot di gerakan hasadaon istilah Inklusif, Diaologis, terbuka jala ringkot di ulahon, dipadao ma penonjolan kebenaran absolut na. Ta ingot ma marhite na parsidohot hita di gerakan hasadaon i, parsidohot do hita di misi ni Tuhan Jesus asa lam porsea portibion na Debata do marsuru Tuhan Jesus tu portibion.

Terimakasih atas kunjungannya,Bila anda suka dengan artikel ini silahkan JOIN TO MEMBER BLOG atau berlangganan geratis Artikel dari blog ini, daftarkan email anda pada form subscribe dibawah halaman . Pergunakan vasilitas diblog ini untuk mempermudah anda. Bila ada masalah dalam penulisan artikel ini silahkan kontak saya melalui kotak komentar yang ada dibawah atau gunakan fasilitas yang ada diblog ini untuk menghubungi saya.

Salam Blogger.... !!! .

Admin Rivai Silaban

Share article with : Google+ Facebook Twitter

Di posting oleh : Unknown Update pada : 4:31 PM